Говор на омраза на фејсбук по објавена вест за слоганот на „Скопје Прајд“ - Штип

Опис

На фејсбук медиумот „Kajgana.com“, е објавена вест во која се информира за слоганот под кој ќе се одвива овогодинешниот „Скопје Прајд“ – Парадата на гордоста. Во делот за коментари се забележуваат повеќе случаи со говор на омраза, меѓу кои и на неколку коментари на жители на Штип. Како и во сите случаи со говор на омраза, и тука се забележуваат класични примери на хомофобичност, проследени со јасни искази на говор на омраза придружени со повик на насилство од најразличен вид. Ваквиот наратив не оди во прилог на организацијата на ваква прогресивна манифестација, а уште помалку ја дава сликата на едно отворено општество, кон кое стремиме како граѓанство. Вербализацијата на говорот на омраза се состои од:„Крвта да ви ја ебам расипани души“, „умоболни“, „педер“, „педерски работи“, „Ега да се излее Вардар и сите до еден да ве однесе додека се шетате“.