Инцидент на стадионот „Бело Брдо“ во Штип

Опис

На ден 24.08.2025 година, локалната штипска телевизија „М-Нет“, на својот фејсбук профил „Телевизија M»Net HD“ објави видео од инцидент на фудбалски натпревар меѓу пионерите на ФК Брегалница и Шкупи, кој се случи во Штип, истиот ден. Во коментар под видеото, корисникот „Draganco Moskov“ коментира: „Диви племиња некултура образование 0. Резултатот од 7 годишното владеење на криминалците и насилниците вродило со плод. Брука...“. Корисникот „Проверено“ коментира: „И после ги рамнеле со земја во Газа. Абе се е ова исто дивјаштво“. Корисниците користат говор на омраза во своите коментари, првиот насочен кон албанското население, нарекувајќи ги: „диви племиња“, а вториот користи говор на омраза поради религија и религиско уверување, имајќи предвид дека и населението во Газа и албанското население се муслимани.