Добронамерните шиптари да го осудат овој дрзок и злонамерен потфат

Опис

На ден 28.11.2024 година, X профилот „@iamkindpersonnn“објави видео на социјалната мрежа „Х“, на кое се гледа како, на прославата во Скопје по повод денот на независноста на Албанија, одредена личност го пали македонското знаме. Во прилог на виедото, корисникот напиша: „Иначе сфатив дека 90% од Албанциве глумат пред нас " едно исто сме " глејте на тикток како секој втор пали знаме, гази наше знаме под кола, отворете коментари:) Сликава што ја видов денес у Скопје беше морбидна“. Во делот за коментари, под објавата, корисникот „@nevenoski“ напиша: „Така е. Ова е голема, тешка, тенденциозна провокација. За ваква постапка следува затворска казна. Каде се добронамерните Шиптари да го осудат овој дрзок и злонамерен потфат“. Со ваквиот коментар, корисникот употреби говор на омраза насочен кон албанското население, со зборот: „шиптари“.