Коментари со говор на омраза во однос на објавена вест на медиумот „Tv Star – Televizija Star“ – Штип

ui_main.reports_description

На фејсбук профилот на штипската телевизија „TV-Star – Televizija Star“ е објавена вест за криминално дејство случено во одредена населба во градот Кочани. Според интервјуираните очевидци, настанот бил предизвикан од страна на одредена група роми, кои освен тоа што наводно извршиле кражба, биле во посед на ладни и огнени оружја. Во делот за коментари на оваа вест, има повеќе реакции за случувањата, меѓу кои и реакции на локални жители од Штип. Еден од коментарите содржи говор на омраза кон припадниците на ромската етничка заедница, генерализирајќи ги истите како криминалнци и граѓани кои дури ни полицијата не може да се справи со нив, при тоа нарекувајќи ги „ѓупци“ и „цигани“. Ваквиот коментар предизвика и друг коментар од корисник на социјалната мрежа „facebook“, кој го продолжува говорот на омраза кон ромите со термините: „лошо племе“, „неработно племе“, „некултурно племе“, „гнасно племе“. Истот коментар продолжува со говорот на омраза и кон албанското население во државава, нарекувајќи ги „албанци терористи“. За крај, завршува со јасен говор на омраза со потенцијални елементи на повик за насилство кон сите оние граѓани кои не се со чиста македонска и православна определба.